"Tayland türmiliridiki Uyghurlargha Sahib Chiqqan Türkiye Hökümitige Teshekkür!"
[ETIC'ning alahide bayanati]
Türkiye awazi radiyosining 2015-07-01-künidiki xewirige qarighanda, Türkiy tilda sözlishidighan döletler jurnalistlar jemiyiti bashliqi Güngör Yawuzaslan Türkyening xelqara diplomatiye saheside yene bir chong utuqni qolgha keltürgenlikini, Tayland türmiliridiki Uyghur Türklirining Türkiyege kélishke bashilighanliqini éytqan. U élan qilghan bayanatida: «2014 – yilidin buyan Tayland türmilerde tutup turuluwatqan Uyghur Türkliri tünügün 30 – iyun kechte Türkiyege kélishke bashlighan. Deslepki basquchta ayallar we kichik balilardin terkip tapqan 173 kishilik guruppa Türkiyege kele'en. Türkiyening qanchilighan aylardin béri Tayland da'iriliri bilen ötküzüp kéliwatqan uchrishishliri we zor tirishchanliqliri netijiside Uyghur Türkliri ana weten Türkiyege gholibilik halda élip kélingen. Uyghur Türklirini istanbul ayrodurumida "sherqiy Türkistan medeniyet we hemkarliq jemiyiti" bashliqi siyit tümTürk ependining hemrahliqidiki alaqidar mesullar qarshi aldi» dégen.
Bu munasiwet bilen Sherqiy Türkistan information merizining re'isi Abduljélil Qaraqash ependi jiddiy bayant bérip, Xitay zulumidin qéchip chiqip, Taylandiki turmilerde qamilip yatqan Sherqiy Türkistanliq qérindashlarning Türkiye xelqi we hökümitining destek chiqishi bilen , turmilerdin qutulup, Türkiye kelgenliki qizghin qarshi aldi we bütün Türkiye xelqi we hökümitige teshekkür éytti.
Abduljélil ependim mundaq dédi; Sherqiy Türkistan mesilisi yildin yilgha éghirlishiwatidu, jiddiylishyiwatidu, Uyghurlar duch kelgen xewipler barghanche artip bériwatidu, Sherqiy Türkistan döliti Xitaylishsh xewipige duch kéliwatidu, Uyghurlar millet süpütide yoqutushqa uchurawatidu, buningha köz yumup, sukutte turushqa, qol qoshturup turushqa qet'iy bolmaydu, yalghuz Türkiyila emes belki bütün dunyaning Sherqiy Türkistan xelqi bilen bir septe turup, Xitay kommunist hakimiyitining zulumigha qarshi keskin inkas qayturdighan waqti keldi, eng axirda Uyghur mesilisige yéqindin köngül bölgen, qollighan barliq Türk qérindashlirimizgha yene bir qétim teshekkürümizni bildürümiz!
Sherqiy Türkistan Information Merkezi
No comments:
Post a Comment